Fréttir

Ljónshjartafréttir

Félagið

Ljónshjarta eru samtök til stuðnings yngra fólki (20-50 ára) sem misst hefur maka og börnum þeirra. Þau voru stofnuð 28. nóvember 2013.

Makamissir í blóma lífsins er eitt mesta áfall sem hægt er að verða fyrir á lífsleiðinni. Það tekur mjög á að vera í djúpri sorg og sinna á sama tíma börnum og heimili. Því er mikilvægt að geta fengið aðstoð við að átta sig á hvernig ráðlegast er að gera hlutina og finna á einum stað upplýsingar um réttindi sín í kerfinu og leiðir í sorgarvinnu fullorðinna og barna. Síðast en ekki síst finnst flestum mjög hjálplegt að fá að komast í kynni við og hitta fólk í sömu sporum, finna skilning og stuðning hjá þeim sem þekkja af eigin reynslu hvað við er að etja. Markmið okkar er að styðja við bakið á yngra fólki eftir makamissi og vera vettvangur þar sem fólk getur hjálpað hvert öðru í sorg. Starfið felst meðal annars í að halda úti heimasíðu með ýmis konar fræðsluefni og efna til fyrirlestra og samverustunda þar sem fullorðnir, unglingar og yngri börn hittast og eiga góða stund saman. Við erum með lokaðan hóp undir heitinu LJÓNSHJARTA á Facebook fyrir þá sem hafa misst maka og er hægt að sækja um aðgang að honum. Einnig erum við með opna síðu á Facebook undir heitinu Ljónshjarta. Endilega heimsækið síðuna og líkið við okkur.

Viltu styrkja samtökin?

Ef þú vilt leggja samtökunum lið getur þú lagt inn frjálst framlag á styrktarreikning Ljónshjarta. Reikningsnúmer: 536-14-400960 Kennitala: 601213-0950