Vilborg Ljónshjarta

Pistill Vilborgar um að eignast ljónshjarta vakti athygli. Hún fjallaði um hugleiðingar sínar í Síðdegisútvarpinu á RÁS 2 þann 8. ágúst 2014. Við hvetjum alla til að hlusta, sérstaklega vini og vandamenn þeirra sem  misst hafa maka. Hægt er að hlusta hér. 

Texti með viðtali: Vilborg Davíðsdóttir rithöfundur skrifar á bloggsíðu sinni í vikunni , hugleiðingu um tímann eftir makamissi, en hún missti eiginmann sinn úr krabbameini í fyrra.

 Í pistli Vilborgar segir meðal annars:

„Þið sem standið hjá og viljið hjálpa okkur sem syrgjum, stígið út í óttann og eigið frumkvæði að því að hafa samband við okkur. Líka þótt langt sé um liðið frá því að þið tókuð upp símann og þetta sé að verða dálítið vandræðalegt.  Það er vissulega gott að leyfa syrgjendum að fá næði í fyrstu, á meðan stærstu sorgaröldurnar skolast yfir og við viljum vera í skjóli innan veggja heimilisins. En þegar frá líður þurfum við á ykkur að halda, vinunum og ættingjunum. Ekki segja: ,,Hafðu samband ef það er eitthvað sem ég get gert fyrir þig.“ Við höfum sjaldnast samband; það tekur ótrúlega mikið á að kalla eftir hjálp.“

Pistillinn hefur fengið gríðarleg viðbrögð.